Assalamu'alaikum pembaca! Ini adalah post pertama admin di tahun 2017 !! Yeyyy !! Happy New Year btw :) Semoga lebih baik dari tahun-tahun sebelumnya :)
Admin nge-share ARTI setiap paragraf (pada) dari Pupuh Pocung.
Semoga bermanfaat :)
PUPUH POCUNG
[33-47]
|
NO
|
PUPUH
|
ARTI
|
|
1
|
Ngelmu iku kalakone kanthi laku,
Lekase lawan kas,
Tegese kas nyantosani,
Setya budaya pangekese dur angkara.
|
Ilmu menika saged dipungayuh kanthi cara ngresepi tindak
tandukipun kang tulus. Menika kangge ngadepi/naklukake angkara murka.
|
|
2
|
Angkara gung neng angga anggung
gumulung,
Gegolonganira,
Triloka lekeri kongsi,
Yen den umbar ambabar dadi rubeda.
|
Hawa nepsu ing jroning awak kaperang dados 3 nggih menika donya
(banda), astral (mboten ketingal/napsu saking setan), mental (pikiran). Yen
diumbarke bisa nyengsarakake awake dhewe.
|
|
3
|
Beda lamun kang wus sengsem reh
ngasamun,
Semune ngaksama,
Sasamane bangsa sisip,
Sarwa sareh saking mardi martatama.
|
Yen hawa nepsu saged dikendalekake bakale duweni watak kang
sabar lan bisa ikhlas olehe menehi sepura marang sasama kang duweni watak
ala.
|
|
4
|
Taman limut durgameng tyas kang weh
limput,
Karem ing karamat,
Karana karoban ing sih,
Sihing sukma ngrebda saardi pengira.
|
Mila menawi mboten iling lan waspada pungkasane bakal kerem (tenggelam)
ing godaan saka awake dhewe.
|
|
5
|
Yeku patut tinulat tulat tinurut,
Sapituduhira,
Aja kaya jaman mangkin,
Keh pra mudha mundhi diri lapal makna.
|
Wong sing duweni budi luhur iku wajib ditiru lan dianut
pituduhe. Aja kaya jaman sakmangke (sakiki) sing mung duweni rasa maren yen
wis ngerti/apal ilmune.
|
|
6
|
Durung becus kesusu selak besus,
Amaknani rapal,
Kaya sayid weton mesir,
Pendhak pendhak angendhak gunaning
jalma.
|
Durung iso nanging wis seneng mamer-mamerke ilmune kaya-kaya
sayid sing saka Mesir. Senengane mung nyalahke pituture wong liya.
|
|
7
|
Kang kadyeku kalebu wong
ngaku aku,
Akale alangka,
Elok Jawane denmohi,
Paksa langkah ngangkah met
kawruh ing Mekah.
|
Wong sing mamer-mamerke mau (Pupuh 6) kagolong wong kang
ngaku-ngaku tindak-tanduke kaya golek ilmu. Padahal ilmune isih cethek
(sitik) nanging meksa melajari ilmu
saka Mekah.
|
|
8
|
Nora weruhrosing rasa kang rinuruh,
Lumeketing angga,
Anggere padha marsudi,
Kana kene kaanane nora beda.
|
Yen duweni niat kanggo nggolek ilmu sing ono ing jroning awak,
kudu usaha lan sinau. Hasil sing digayuh bakale padha ora ono bedane.
Marsudi :
sinau
|
|
9
|
Uger lugu den ta mrih pralebdeng kalbu,
Yen ersu ersua,
Ing drajat kajating urip,
Kaya kang wus winahya sekar srinata.
|
Yen dilakoni kanthi tulus ora nyimpang saka niate bakale bisa
kagayuh tujuane urip kaya kang wis diandarake ing tembung sinom.
Kalbu :
ati
Srinata :
sinom
|
|
10
|
Basa ngelmu mupakate lan panemu,
Pasahe lan tapa,
Yen satriya tanah Jawi,
Kuna kuna kang ginilut tripakara.
|
Sing diarani ilmu kuwi yen iso nganggo cara ngilmune / akal
pikirane dhewe. Cara-cara mau sing ngandhut 3 perkara.
|
|
11
|
Lila lamun kelangan nora gegetun,
Trima yen ketaman,
Sakserik sameng dumadi,
Tri legawa nalangsa srah ing Bathara.
|
Ikhlas menawi kelangan tanpa getun. Sabar lan nerima ing pandum
yen digawe lara atine. Pasrah mring gusti.
|
|
12
|
Bathara gung inguger graning jajantung,
Jenak Hyang wisesa,
Sana pasenedan suci,
Nora kaya si mudha mudhar angkara.
|
Gusti ingkang Maha Agung kang ana ing jroning jantung. Nyawiji
marang gusti kang Maha Kuasa. Kanggo ngresiki awake dhewe kanggo ngilangake
angkara murka. Aja kaya wong enom sing ngumbar napsu/angkara.
|
|
13
|
Nora uwus kareme anguwus uwus,
Uwose tan ana,
Mung janjine muring muring,
Kaya buta buteng betah anganiaya.
|
Ora uwis-uwis olehe maido. Ora ono gunane. Isine mung
muring-muring dhewe kaya buta sing senengane ngamuk lan nganiaya.
|
|
14
|
Sakeh luput ing angga tansah linimput,
Linimpet ing sabda,
Narka tan ana udani,
Lumuh ala ardane ginawa gada.
|
Akeh salahe sing ana ing jroning awak kanthi nutupi. Mula
katutup kaliyan pitutur. Ora ono sing maneni. Ngomonge ora seneng tumindak
ala.
Sabda :
pitutur
|
|
15
|
Durung punjul ing kawruh kaselak jujul,
Kaseselan hawa,
Cupet kapepetan pamrih,
Tangeh nedya anggambuh.
|
Durung akeh olehe golek ilmu. Nanging wis keseselan/kelebon hawa
nepsu. Saengga katutup dening pamrih. Mula angel mawiji marang gusti.
Cupet :
sithik
|
INTI PUPUH POCUNG (Ngumbar Angkara Murka)
AMANAT :
Ngajarake supaya manungsa saged ngendalekake/nyingkirake angkara
murka.
Wassalamu'alaikum...
No comments:
Post a Comment